Цуу яриа

Төмөр замын төв буудалд вагоноос буугаад явж байтал нэг хүн сайн уу? гэлээ. Харвал юу гэх нь вэ гэсэн гайхсан царайтай залуу цагийн анд Тагаа маань зогсож байна. Хөөе чи сайн уу? ямар сонин хүн бэ гээд л би сүйд болсноор тэр эргэлзээгээ тайлж байгаа бололтой ёох тийм байхаа мөн шиг байсан юм гэж ирээд л гайхав. Би тийм өөр болчихож уу?чи намайг таньж чадахгүй эргэлзээд байгаа юмуу гэж намайг гайхвал, тэр жаахан тулгамдсанаа нэг сонин юм ярьж билээ. Би чамайг хэдэн жилийн өмнө өнгөрсөн гэж дуулсан болохоор л хачин юмдаа мөн үү биш үү гээд дагаад байлаа шүү гэхэд л би сая ойлгож юу? гэж дуу алдав. Надад ч бас их сонин санагдсан шүү. Хүнийг үхүүлж ч, сэхүүлж ч мэдэх цуу яриа гэж...

Эмэгтэйчүүдээ дэмжие

Монголынхоо мянга мянган эхчүүд эмэгтэйчүүддээ эрхээ хамгаалах баярын өдрийнх нь баярын мэндийг хүргэе. 
Ерөнхийлөгчийнхөө уриалгыг дэмжиж манай нийгмийн үнэт, сайн сайхан бүхнийг устгаж байдаг архи согтууруулах ундааг бага хэрэглэн үлгэрлэж сайхан баярлаарай гэж хүсэх байна. 
Манай эмэгтэйчүүд эрх чөлөөгөөр нээх хязгаарлагдмал биш ч гэлээ эрхээ хамгаалж бодлогоо нэгтгэх өдөртэй болсон нь баяр юм. Тэгш эрхээ ч ярьж, бас эрхээ эдлэх өдөртэй болсны баяраа ч тэмдэглэх нь зүй ёсны учир утгатай билээ.  
Эмэгтэйчүүд хүчтэй болж төрийн жолоог атгаж эхэлсэн цагт эрчүүд нь илүү хүчирхэг болох тал бас бий.
Шийдвэр гаргах түвшинд эмэгтэйчүүдийн эзлэх хувь бага байгаа нь урт үстэй ухаан богинотойдоо биш байх л даа. Эрэгтэй улс төрчид давамгайлсан энэ парламент л эднийг дэмжин бодлогоор квот тогтоож, шийдвэр гаргах түвшинд оролцоог нь нэмэгдүүлэхгүй бол тэд үнэнээр /шудрагаар/ өрсөлддөг тул хэзээ ч хор найруулж гарч ирж чадахгүй. Урьд нь сонгогдсон цөөн эмэгтэйчүүд хувийн гэхээсээ илүүтэй улс төрийн аль нэг нам хүчний рейтингийн фонноор л гарч ирж байгаа нь гишүүн болсон эмэгтэй гишүүдийн байдлаас харж болохоор байгаа билээ. 
Эрчүүдтэй ана мана үзэх боловсролтой эмэгтэйчүүд байгаа ч улс төрийн хариуцлагатай хүчиний гишүүн гэсэн фонн хийхгүй бол гарч ирэх найдвар тун бага. Ард түмний дунд хувийн өндөр рейтингтэй эмэгтэй улс төрч бараг байхгүйтээ адил байна. Манай ард түмний энэ сэтгэлгээ өөрчлөгдтөл хүлээнэ гэвэл улс орны бодлого хөгжлийн бэрхшээлтэй хэвээрээ байх болно гэсэн үг. Тийм учраас эмэгтэйчүүдээ дэмжиж хувь тогтоох аргаар төлөөллийг нь нэмэгдүүлэх чухал. Манай эмэгтэйчүүд шударга тул багийн тоглолт гэдэг хуйдалдаанд оролцохгүйгээр улс орны бодлогод нөлөөлж зөв болгоход хувь нэмрээ оруулж чадна. Эх орондоо хайртай хүн бүр дараа жилийн сонгуульд эмэгтэйчүүдээ дэмжин гаргаж хөгжлийнхөө бодлогыг зөв болгон гараанаас гарахгүй бол ямарч барианд орж мэдэх хувь заяа хүлээж байгаа нь тааварлашгүй юм. Нэг талын мэдрэмжээр нэг талыг барьсан эрчүүд давамгай гаргадаг дампуу бодлого шийдвэрээ одоо л залруулахгүй бол олигархи хүчээ авч баян ядуугийн ялгаа улам холдож, төр самуурч, ард түмэн ядуу байгааг ашиглан төрийг нь тогтворгүй, хар хайрцагны бодлогогүй байлгах сонирхол бүхий явцуу бүлэг, улс төрийн тогтворгүй байдал бий болгохыг санаархагч дотны болон гадны хүчин ард түмний сэтгэл зүйгээр тоглон турхирч хүчээ авч байгаа нь хүн бүрийн сэтгэл түгшихгүй байхын аргагүй болж, ийм аюул ойрхон болжээ гэх бодол сэтгэл эмзэглүүлэх боллоо.

Улсын Их Хурлын дарга

Их хурлын дарга тэргүүтэй зочид төлөөлөгчид Оюу толгой төсөлтэй газар дээр нь ирж танилцаж ажиллав. Та нарын их юм хийснийг хараад Оюу толгой төслийг хэрэгжүүлэхийн тулд хамтарсан засгийн газар байгуулж УИХ тогтоол гаргаж шийдсэн бидний шийдвэр зөв байсан байна гэв. Цаашид бас анхаарах юм байна гээд найман зүйлийг анхааралдаа авч шийдэх анхаарч ажиллахыг хүслээ. Одоогоор төсөлд ажиллаж байгаа гадаад монгол ажилчдын харьцаа 40-60%-тай байгаа юм байна. Энэ төсөл дээр монгол ажилчид 90% байх ёстой шүү гэж анхааруулав. Анхны хөрөнгө оруулалтаа нөхмөгц монголийн талын эзэмшил 50%-с доошгүй болох ёстой. Монгол орон 300 гаруй сумтай зарим нь төвөөс 2000 км алслагдсан ч бүгд цахилгаантай болж байгаа. Гэтэл энэ их баялагтай нутгийн иргэд, энэ том компанийн дэргэд байгаа баялагийн эзэн Ханбогд сум одоо болтол гэрэл цахилгаангүй байгаа нь орон нутагтай харилцах харилцаа муу байгаа юм байна гэж үзэж байна гэлээ. Баяжуулах үйлдвэрийг 2012 оны 6-р сараас өмнө ашиглалтанд оруулаарай ард тумэн засгийн газар их хурал бүгд их хүлээлттэй байгаа шүү гэв. Замын асуудлыг аль болох нүүдлийн мал аж ахуйг, малчдын амьдралын хэв маягыг хумихгүйгээр шийд гэв. Олон салаа зам тавилгүй жаахан өртөг зардал л нэмэгдэнэ биз нийлүүлээд тавивал байгаль орчинд хал багатай болно гэлээ. Бид байгалийн баялагаа аль болох эцсийн боловсруулалт хийж гаргах бодлого барьж байгаа, ажилчдын орон сууц барина гэж надад сайхан барилгын зураг үзүүлж танилцуулсан ханбогдоо түшиглээд 15000 хүнтэй жижиг хот болгох тухай ч надад бас танилцуулсан мөрөөдөл биш хийх гэж байгаа гэж ойлгосон гэснээр товчхон яриа өндөрлөв.

Баяраа

Манай Баяраа багадаа дандаа л инээд хүргэж байдаг, бас юмыг их сонин сэтгэдэг эгдүүтэй хөөрхөн хүүхэд байсан юм. Нэг өдөр цонхоор харж байснаа ёолктой машин ирлээ гээд л хашгирлаа. Юу юм бол гээд харвал усны аж ахуйн өрөмдлөг хийдэг сэргэр ногоон машин байж билээ. Миний хүүд ёолк гэж тэгж л төсөөлөгддөг байж дээ. Харин бид өхөөрдөн хөхрөлдөж хачин төсөөлөлтэйд нь гайхаж байсан сан. Аав нь хүүгээ дандаа нялхаар нь хардаг боловч хүү минь нас биед хүрч.